PUMPBOAT

By: Julie Ann L. Daclan

       Ang kinabuhi sa  tawo nahisama ra sa usa ka baybayon, bagyohun kita sa mga  nagkalain-laing problema, hanginon sa mga  nagkalain-laing opurtunidad sa kinabuhi ug ingun man hatagan kita og kahigayunan aron mas mapalambo ang atong kapalaran.

     

Sa halayong dapit sa maanindot nga lungsod sa Carcar, aniay baybayon nga ginganlan og “Bantayan” og ani-a kini mahimutang sa usa sa mga lugar sa maong lungsod, ug mao kini ang Bantayan, Tuyom , Carcar Cebu City. Mangingisda ang sarang nga gikuhaan og kapanginabuhian sa maong lumulupyo tungod kay unay ra kaayo sila sa kadagatan. Abunda ang maong dagat sa nagkalain- laing isda, mga dagko man o gagmay. Kaniadto, ang ilang gamiton sa pagpanguha ug isd kay “sakayan” ra gayod, kining maong sakyanang pandagat gikinahanglan pa ug bugsay aron maka- padulong kini ngadto sa lawod ug mamukot. Hasol kini kaayo og makalangay pa gayod, imbis nagdale ka, dugay kaayo kining muabot tungod kay bugsay raman gyud tawn ang nagsilbing makina, u gang bugsay bug-at bug-at sad. Daghan tuod gihapon ug makuha nga mga isda apan mura pud kag nagpuyog usa ka adlaw didto sa lawod.

    

 Sa pagdagan sa mga henerasyon, nahiabot ang usa ka makina diin makatabang kini pagpadali sa pag-ngadto/nganhi sa mga mangingisda sa lawod. Ang maong makina itaod sa imung sakayan diin ang palabad niini nga naa sa ilawom amg magsilbing paspas nga bugsay ug kini ang gitawag nga pumpboat. Nagtinudluay ang mga lumulupyo kung unsaon ang pagamit ang maong makina. Pila lamang ka mga semana aduna nay magtingog nga  mga makina ang kadagatan sa bantayan. Dili na kini hasol og makalangan sa mga mangingisda ingun man dako kini kaayong tabang alang sa maong lumulupyo.